اجرحيني .. عذبيني .. هاك قلبي وأملكيه
أقتليني دام موتي راحه لقلـــوب الكثير
ياكثر منهم تمنّوا حب منهو تعشقيـــــــــه
والعواذل فالمحبة فاتنات وناس غـيــر
لكن أنتي وحدك اللي لانويتي تأمريــــــــه
وأنتي اللي لوتغيبي يحترق قلبي سعيــر
شلت حملٍ مايشيله أي رجل براحتيــــــــه
وآخر المشوار دمعة من على خدِّ الضريـر
ماعرفت اليأس وأنتي ما أظنك تعرفيــــــــه
والأمل مازال باقي في حياة أوفى عشيـر
صدقيني لوحياتي شمع ودك تحرقيـــــــــه
ماأتخلى عن عيون ٍ رمشها سهم ٍ خطيـر
عاشقك ذابت حروفه ولو يقصر أعذريـــــــه
لاتقولي ماوفتني .. لاتقولي مايصيــــر
أسمعي منه القصيد وكل حرف أحفظيــــــه
وإن سألك بيوم عنها لاتقولي شيء عسير