واللـّي جـعــل قلبي سكنك ومحلـّك
......................ما بـه أحــــــد غيرك ملَكـْه وخفق له
هو لك حـلالك ماخــــذه لك تملـّك
......................يفـــداك يا اجمـــــل من تزيّن بكحله
أستسمحـــه مثـلـه حبيبـي وخِلـّك
......................عليك مـنّـي يـغـيـر بي شين فـعـلــه
يا طيبتك أعـشـقــك واغليك كـلـّك
.......................ولا هو غريب الطيب لا جاء مـن اهله
انت السـؤال اللـّي ولا بـي أحـلّــك
.......................والمعــذرة مغليك بالعمــــــد جهلـه
طـالبك لا تبعـــــد ولا تغيب خَلـّك
.......................دايم معـــــي فرقاك لا تظــنّ سهلة
أبيك لي مـا افـارقـك مـثــل ظـلـّك
.......................يالنادر بـطـبـعـــــه ولا فيه مـثـلــه
انت الفـرح في دنيتي كيف املـّك
.......................وانت العطا يا من معـــي زاد فضله
مـا اتـوه عـنّـك يا حبيبــي أدلـّك
.......................مـا اضيّـعــك فيني ولو كــان وهـلـة
أموت بك واهـــواك خلّي واجلـّك
.......................القلب أبيض والطهــــر طهـــر طفلـة
عسـاك دايــم يالغـــلا لـي يعلـّك
.......................مجنون بي يا من خفوقي سكـــن لـه
موضوع: واللي جعل قلبي سكنك ومحلك 
05.01.11 4:39
