منك تعلمت
ابدا كلامي بالسلام
وارد كل شي باعتبار
منك أنا
صرت الغريب اللي مشى دربه بعيد
تايه وعذبني الضمى
ولهان أرثي حالتي
منك سمعت
أن أغلب هالجروح يبقى أثرها وهي تروح
وبشوفها اسأل أنا وشهو السبب هل من مجيب ؟
وانتظر رد الزمن وأقول ياربي تعين
ليه أسمعك بأغلب كلامك تقول هذا احتمال
ابقى معك واحتمال أني أتركك
وشهو السبب ترسم سعادة بسمتي
وترجع تغير كلمتك ويصيبها حزن وهموم
منك نويت
اصبر القلب الجريح وأمني العين الرجوع
لأني عرفت شيـ(ن) وحيد
هو بأغلب أفكاري أكيد
أن البكي ماهو مفيد
وكل العتب مابه جديد
منك سُـألت
اش أحلى أيامك معي ؟
أنا ابتسمت .. وقلت
كل أيامك حلى
وأنتا عرفت وشلون أوصف فرحتي
ببسمه يغلبها خجل
وكلمه يجملها غزل
أنت الوحيد بدنيتي
وأنتا ملاكي ومنيتي
منك أنا
ياما سهرت أمني النفس اللقى
واكتب كلام بدفتري
مشتاقلك دايم أنا مغرم وعذبه الجفى
أغلب حروفي هي كذا تتأملك
ترجي لقى
هذا كلامي بدفتري
لكن الشئ الاكيد
منك عرفت
أن الجفى يضمي الوصال
وأن الصبر شيـ(ن) محال
دامي عرفت أن الرحيل
هو آخر دروبي معك
على كذا يمكن عرفت
أن السلام هو أخر كلامي بدفتري
وأكثر جروحي معك