يا امرؤا القيس ولله مالها داعي تبيكها!!

يا امرؤ القيس والله مالها داعي
وشو له توقف على الاطلال تبكيها؟!

لاتقول ذكرى الحبيب بحجة اقناعي
وش تنفعك ذكريات ٍ راح ماضيها؟!

من صد عني حرام ان جيت له ساعي
دام المحاني تقوم وجرحها فيها..!!

القلب غبة بحر والفضل لشراعي
مايلتفت للحدود اللي يعديها

بالمركب اللي صنعته بس لأبداعي
قبطان .. من وين ما ودي اوديها

ويامرؤ القيس كان السر باوجاعي
بعض السوالف تموت بفم راعيها

الفكر عزفي ونبض القلب ايقاعي
والشعر ونسة عمر والناس ترويها

وان كان صدت كذا عن روض مرباعي
لاتحلم اني اجيب العذر وارضيها

والله لو ان الجفا يلوي لي ذراعي
لأقطع ذراعي لها والويه بيديها

اهل النفوس العزيزه عشقها واعي
ماتنحني للغرام اللي يوطيها..!!!

وياامرؤ القيس .. ماتخفاك الأفاعي

تموت والسم باقي في علابيها

لابارك الله بعذر ٍ جرح اسماعي
ولابارك الله بمن هو جاب طاريها..!!

» المعلقات - معلقة امرؤ القيس