السلام عليكم ورحمة الله
وكل عام وانتم بخير
اضع بين ايديكم هذا المتواضعة وكلي طمع في ان احضى بكرمكم في العفو عن اخوكم ان اخطأت بحق اي واحد منكم فكلنا بشر وخطائون وانتم جميع مسامحون ومحللون مني الى يوم الدين واسأل الله ان يختم لي ولكم بالصالحات هذا العام وكل عام وان يرزقنا خير عامنا القادم وان يبعد عنا شروره وان يتوب علينا جميعاً انه التواب الرحيم :
مدخلـ
اليوم
اليوم نهاية عام
مدري ناهية روح
ياليت باقي ايام
وتقول لي مسموح
تعال خذ حقك
وانا معك وافي
ياهوووه من قدك
والخاطر الصافي
اليوم ما ندري
بكرة يجي والقاك
واوصلك عذري
والا تموت اخطاك
بالله كفاية جروح
أنت وانا من عام
فرقى وزود نزوح
يا اخي كفاية حرام..!!
*********
لو نحسب الزلات
فيما مضى نحتار
نلقى السبب غيمة
كانت مع الزوار
اقصد مع الأشرار
جو كبروا صدرك
وانا مثل جوني
وقللوا قدرك
ياخوك بعيوني
أنته ترى غالي
في كل الأحوالي
بس ارجع اتذكر
ساعة تصافينا
واشلون نتكدر
والشوق ذا فينا
بالله كفاية جروح
أنت وانا من عام
فرقى وزود نزوح
يا اخي كفاية حرام..!!
***********
تعال هات ايدك
سلم وفا وأشواق
تبعد ومن جدك..!!
وخالقي مشتاق
بس أنت هونها
يمكن نعم أخطيت
ويمكن انا أخطيت
أسمع ورب البيت
كله النفّاق
تعال واطبطب
بيدي على اكتوفك
واقول يالغالي
مشتاق في شوفك
هونك ترى مسموح
تعال نتسامح
والرب شايفنا
عام مضى جامح
وأش في صحايفنا..؟؟
بالله كفاية جروح
أنت وانا من عام
فرقى وزود نزوح
يا اخي كفاية حرام..!!
( يا عامنا المنصرم )
مخرج
تحياتي
موضوع: ياعامنا المنصرم 
05.12.10 20:52
