العلامه بي تعدت وفضحت اهات روحي
كل سر ٍ بات واضح والقلم وافي مداده
مايغطي الشمس منخل وماتغطيني مزوحي
لو هي تغطي عذابي مايواصلني رماده
كل عاذل لاح سري وكل ضلع ٍ بي ينوحي
نوحة الشهره لمنهو اسم واصل في بْلاده
يامخاويني ترفق وارحم جروح ٍ تفوحي
سطرت بين الحنايا كية ٍ منها شهاده
صايم ٍ حظي ولاافطر مكتفي نزف الملوحي
رايب ٍ من زود همي ممتحني باجتهاده
راهيه فيني الأذيه بانيه فيني صروحي
ترتوي مني وتكبر خابرتها من مهاده
كنها ظني عشقتني وحلفت تمحي فروحي
دعوة امي وقت مغرب هقوتي ولا قراده
كل ماقلت اتدرى وابتعد عنها واروحي
انصدم فيها بموقف واتألم من عناده
اشتكي منها بحرفي والشكاوي ضمن بوحي
لعوزتني في حياتي عيشتني في بَلاده
مالقيت الها مبرر والبلا طبعي سموحي
ودي اعرف وش سببها واتوشح بالعتاده