الرميه اللي لاتعدتك تدوشـــــــــــــك
ويـــــــــصير بالك منشغل بالتفاكير
اما تحمد الله لطف بك وعيشـــــــــك
ولا تـــــــموت وعنك قالوا مقادير
طبع الزمن في غالـب الوقت همشك
والمــــــــشكله ماللزمن اي معاذير
ضامي وطول الدرب متعب وعطشك
ومعـــــــــاد رجلك قادره للمشاوير
اما يجيك الخير صـــــــــدفه وينعشك
ولا تروح وكـــــــل دربك مخاسير
لالا يهمك شخص قاصـــــــــد يطنشك
خلـــه ولأ تبــــــــــدي لمثله تعابير
حاول تخيب من طموحه يطــــــــفشك
عـــــــده بعينك مثل باقي المسايير
خل اليقين اثبات لك واقطع الشـــــــك
واصـــبر وكلن يذكرك دوم بالخير
الناس في بعض الاقاويل تدهشـــــــك
وتـــــــصور المعنا بحلو التصاوير
احذر تماشي شخص مربوش يربشك
وتـــصبح من الربشه قليل التدابير
الناس ماترحم الأ طحت تنهشـــــــــك
ترجـــــــي مطيحك ثم تلفي طوابير
في وقتنا اردى المخاليق يبلــــــــشك
والمـــــــــشكله مالك عليهم مقادير
لاتصير مرهف حس والناس تخدشك
دايـم ترى المرهف دموعه محادير
بعض المواقف هولها صدق يرعشك
وتصبح ضلوعك من سببها مكاسير
رميه ولو هي بالهوى اكيد تدوشـــك
ويصـــــــــــير بالك منشغل بالتفاكير