في ليلـهـ ضيّع جفن عيني منامـهـ
أمسيت أعـــانق بالزوايا حـنــيـني
والدمع يترك لانتـحـــابي علامـهـ
سامر رمـوشي وانتثر في يـمـيني
ماني حزينـهـ , ماشَعَرت بـ سآمـهـ
كُل ماهُنالك (ضاقت الأرض فيني)
واحشني صوتـهـ , تمتماتـهـ , كلامـهـ
واحشني حبـهـ , حلفـهـ انّـهـ يبيني
مرّت سنـهـ ماعانق اذني سلامـهـ
حرام تُحسَب هالسنـهـ من سنيني
يــــاذكرياتـهـ , إنصـبــي لي خيامـهـ
في صحرا عمري , من علومـهـ عطيني
شبّي خـفــوقي بــددي بي ظـلامـهـ
صـبّـي فـنـــاجيل الحِــزِن واسكبيني
مشتهيـهـ أبكي , في عيوني غمامـهـ
يـــــاذكرياتـهـ , إعـصــفي زمجريني
وش كان يهمِس , لاتدهوَر صيامـهـ ؟
(حنّي عَــلَــي يـــــابنت لاتفضحيني)
أرِد لـهـ وبـ صوت يخفي إبتسامـهـ
مـــاهو بـ ذنبي انّك أفـطـــرت فــيـني
ولامن غشانا الليل يصحى غرامـهـ
يصرَخ بـ حـضــنــــي (يالغلا كبليني)
يصحى ويلقى أنـثـى تـــرقِد أمامـهـ
متبعثرهـ ويقول : (قومي اجمعيني)
يزعل ويرضى دون أدنى ملامـهـ
يكفيني أرمي فوق صدرهـ / جبيني
يلقى بـ عيني إنـكـســار وندامـهـ
والقى بـ حضنـهـ عـــالمٍ محتويني
مجنون لكن عقلـهـ يوزن تُهامـهـ
مغـــرور جداً , بالتواضع يـجيني
أحِب أشاغب لالِمَحت إنسجامـهـ
أزعِج هدوءهـ لين يمسِك يديني
يسحَبني لمّـهـ , يشرَع بـ إقتحامـهـ
يهمس بـ إذني : (بالشَغَب تعجبيني)
ياذكرياتـهـ فجأهـ صوّب سهامـهـ
أجرَم بـ قلبي واستــهان بـ أنيني
ياذكرياتـهـ عشقنا كــــان هــامـهـ
نـعــلى ويـعــلى بالمـــلا صدقيني
للحين حبـهـ زايدٍ بي إحـتــدامـــهـ
وللـحــيــن أظنّـهـ مثل أوّل يـبـيـني
موضوع: مشتهيه ابكي 
04.12.10 7:16
